የስራ ቦታ የግላዊነት ፖሊሲ


የስራ ቦታ ከ Meta በMeta የተፈጠረ የመስመር ላይ መድረክ ሲሆን ተጠቃሚዎች በስራ ቦታ እንዲተባበሩ እና መረጃ እንዲጋሩ ያደርጋል። የስራ ቦታ መድረክ በአጠቃልይ “አገልግሎት” የሚባሉ የስራ ቦታ ድር ጣቢያ፣ መተግበሪያ እና ተያያዥ የመስመር ላይ አገልግሎቶች ያጠቃልላል።
ይህ የግላዊነት ፖሊሲ መረጃዎ አገልግሎቱን ሲጠቀሙ እንዴት እንደሚሰበሰብ፣ ጥቅም ላይ እንደሚውል እና እንደሚጋራ ይገልፃል።
አገልግሎቱ በድርጅቶች እና በመመሪያቸው መሰረት ጥቅም ላይ እንዲውል የታሰበ ነውኙ እና ለእርሶ በቀጣሪዎ ወይም በሌላ ድርጅት አገልግሎቱን እንዲያገኙ እና እንዲጠቀሙ ቀርቧል (የእርሶ “ድርጅት”)።
አገልግሎቱ ሊጠቀሙት ከሚችሉት ሌሎች የMeta አገልግሎቶች የተለየ ነው። እእነዚያ ሌሎች Meta አገልግሎቶች በሜታ ይሰጡዎታል እና በራሳቸው ደንቦች ይገዛሉ። ነገር ግን፣ አገልግሎቱ በድርጅቶ የቀረበ እና በዚህ የግላዊነት ፖሊሲ እና የስራቦታ ተቀባይነት ያለው አጠቃቀም ፖሊሲ እና የስራ ቦታ ኩኪስ ፖሊሲ የሚገዛ ነው።
ድርጅቶ የሥራ መለያዎ ኃላፊ እና አስተዳዳሪ ነው (“የእርስዎ መለያ”)። በአገልግሎቱ በኩል ለሚያስገቡት ወይም ለሚያቀርቡት ማንኛውንም ውሂብ የመሰብሰብ እና የመጠቀም ሃላፊነት የእርስዎ ድርጅት ነው እና ይህ አጠቃቀም ድርጅቶ ከMeta ጋር ባለው ደንቦች ይገዛል።
ከዚህ ግላዊነት ፖሊሲ በተጨማሪ፣ ድርጅቶ የአገልግሎቱን አጠቃቀም በሚመለከት ተግባራዊ የሚሆን ተጨማሪ ፖሊሲዎች ወይም የስነምግባር ደንብ ሊኖረው ይችላል።
አገልግሎቱን አጠቃቀሞን በተመለከተ ምንም አይነት ጥያቄዎች ካሎት አባክዎት ድርጅቶን ያግኙ።

I. ምን አይነት መረጃ ነው የሚሰበሰበው?
እርሶ፣ የስራ ባልደረባዎ ወይም ሌሎች ተጠቃሚዎች አገልግሎቱን ሲጠቀሙ የሚከተሉትን አይነት መረጃዎች ድርጅቶ ይሰበስባል፦
  • የእውቂያ መረጃዎን፣ ለምሳሌ ሙሉ ስም እና የኢሜይል አድራሻ፤
  • የተጠቃሚ ስምዎ እና የይለፍ ቃል
  • የስራ መጠርያዎ፣ የስራ ክፍል መረጃ እና ሌላ ከስራዎ ወይም ድርጅቶ ጋር የተያያዘ ሌላ መረጃ፤
  • አገልግሎቱን ሲጠቀሙ የሚያቀርቧቸው ይዘቶች፣ ግንኙነቶች እና ሌሎች መረጃዎች፣ ለመለያ ሲመዘገቡ፣ ይዘት ሲፈጥሩ ወይም ሲያጋሩ እና መልዕክት ወይም ከሌሎች ጋር ሲገናኙ ጨምሮ። ይህ እርስዎ በሚያቀርቡት ይዘት ውስጥ ወይም ስለሚያቀርቡት (እንደ metadata) መረጃ ለምሳሌ የፎቶው ቦታ ወይም ፋይሉ የተፈጠረበት ቀን፤
  • ሌሎች ሰዎች አገልግሎቱን ሲጠቀሙ የሚያቀርቡት ይዘት፣ መገናኛዎች እና መረጃዎች። ይህ ስለእርስዎ መረጃ ለምሳሌ ምስልዎን ሌሎች ሲያጋሩ ወይም አስተያየት ሲሰጡ፣ መልእክት ሲልኩልዎ ወይም የእውቂያ መረጃዎን ሲሰቅሉ፣ ሲያመሳስሉ ወይም ሲያስገቡ፤
  • ከሌሎች የአገልግሎቱ ተጠቃሚዎች ጋር ሁሉም ግንኙነቶች፤
  • የተጠቃሚ ግንኙነቶች፣ ግብረመልስ፣ ጥቆማዎች እና ለድርጅቶ የተላኩ ሀሳቦች፤
  • የሂሳብ አከፋፈል፤ እና
  • እርስዎ ወይም ድርጅትዎ አገልግሎቱን በሚመለከት የመድረክ ድጋፍን ሲያነጋግሩ ወይም ሲሳተፉ የሚያቀርቡት መረጃ

II. ድርጅቶ ይህንን መረጃ እንዴት ይጠቀማል?
የእርስዎ ድርጅት፣ Meta እንደ መድረክ አቅራቢነቱ አገልግሎቱን ለድርጅትዎ እና ለሌሎች ተጠቃሚዎች እንዲሰጥና እንዲደግፍ እና ከድርጅትዎ በሚመጣ ማንኛውም መመሪያ መሰረት እንዲያቀርብ ለማስቻል፤ ሚሰበስበውን መረጃ ከMeta ጋር ያጋራል። የዚህ አጠቃቀም ምሳሌዎች እነዚህን ያካትታሉ፦
  • የአገልግሎቱን አጠቃቀም በተመለከተ ከተጠቃሚዎች እና አስተዳዳሪዎች ጋር መገናኘት፤
  • ለድርጅትዎ እና ለሌሎች ተጠቃሚዎች የአገልግሎቱን ደህንነት ማሳደግ፣ ለምሳሌ አጠራጣሪ እንቅስቃሴዎችን ወይም የሚመለከታቸውን ደንቦች ወይም ፖሊሲዎች መጣስ በመመርመር፣
  • እንደ የአገልግሎቱ አቅርቦት አካል የእርሶን እና የድርጅቶን ተሞክሮ ግላዊ ማድረግ፤
  • የድርጅቶ አገልግሎት ውስጥ አዳዲስ መሳርያዎች፣ ምርቶች ወይም አገልግሎቶች ማበልፀግ፤
  • የአገልግሎቱን አጠቃላይ አሠራር ለማሻሻል በአንድ ግለሰብ በሚንቀሳቀሱ የተለያዩ መሳሪያዎች ላይ በአገልግሎቱ ላይ ያለውን እንቅስቃሴ ማያያዝ፤
  • ሊኖሩ የሚችሉ አክሎችን መለየት እና መስራት፤ እና
  • አገልግሎቱን ለማሻሻል ምርምርን ጨምሮ የውሂብ እና የስርዓት ትንታኔዎችን ማካሄድ.

III. መረጃን ይፋ ማድረግ
ድርጅትዎ የተሰበሰበውን መረጃ በሚከተሉት መንገዶች ያሳያል፡-
  • አገልግሎቱን ወይም የአገልግሎቱን በከፊል ለማቅረብ የሚረዱ የሶስተኛ ወገን አገልግሎት አቅራቢዎች;
  • በአገልግሎቱ በኩል ሊገናኙዋቸው ወደ ሚችሉ የሶስተኛ ወገን መተግበሪያዎች፣ ድር ጣቢያዎች ወይም ሌሎች አገልግሎቶች፤
  • እንደ አገልግሎቱ ማስተላለፍ፣ ውህደት፣ ማጠናከሪያ፣ የንብረት ሽያጭ ወይም የመክሰር ወይም የኪሳራ ክስተት ከመሳሰሉት ጉልህ የሆነ የድርጅት ግብይት ጋር በተያያዘ፣
  • የማንኛውንም ሰው ደህንነት ለመጠበቅ; ማጭበርበርን, ደህንነትን ወይም ቴክኒካዊ ችግሮችን ለመፍታት፤ እና
  • ከህግ አስከባሪ ኤጀንሲ የቀረበ መጥሪያ፣ ዋስትና፣ የግኝት ትዕዛዝ ወይም ሌላ ጥያቄ ወይም ትእዛዝ ጋር በተያያዘ።

IV. የእርስዎን መረጃ መድረስ እና ማሻሻል
እርስዎ እና ድርጅትዎ በአገልግሎቱ ውስጥ ያሉትን መሳሪያዎች (ለምሳሌ የመገለጫ መረጃዎን ማስተካከል ወይም በእንቅስቃሴ መዝግብ ማስታወሻ) ወደ አገልግሎቱ የሰቀሉትን መረጃ ማግኘት፣ ማረም ወይም መሰረዝ ይችላሉ። በአገልግሎቱ ውስጥ የተሰጡትን መሳሪያዎች በመጠቀም ይህን ማድረግ ካልቻሉ፣ መረጃዎን ለማግኘት ወይም ለማሻሻል የእርስዎን ድርጅት በቀጥታ ማነጋገር አለብዎት።

V. EU-U.S. የውሂብ ግላዊነት ማዕቀፍ
Meta Platforms, Inc. በ EU-U.S ውስጥ ተሳትፎውን አረጋግጧል.። የውሂብ ግላዊነት ማዕቀፍ። በEU-U.S. ላይ እንተማመናለን። የውሂብ የግላዊነት ማዕቀፍ እና የአውሮፓ ኮሚሽኑ ተዛማጅ የብቃት ውሳኔ፣ በዚያ የእውቅና ማረጋገጫ ላይ ለተገለጹት ምርቶች እና አገልግሎቶች መረጃን ወደ Meta Platforms, Inc..በ U.S. ለማስተላለፍ። ለበለጠ መረጃ፣እባክዎ የMeta Platforms, Incን የውሂብ ግላዊነት ማዕቀፍ ይፋ ማድረጊያን ይገምግሙ።

VI. ሶስተኛ ወገን አገናኞች እና ይዘት
አገልግሎቱ ድርጅትዎ የማይቆጣጠረው ሶስተኛ ወገኖች ወደሚቆጣጠሩዋቸው ይዘት የሚወስዱ አገናኞችን ሊይዝ ይችላል። የሚጎበኟቸውን እያንዳንዱን ድር ጣቢያ የግላዊነት ፖሊሲዎች መገምገም አለብዎት።

VII. መለያ መዘጋት
አገልግሎቱን መጠቀም ማቆም ከፈለጉ ድርጅትዎን ማነጋገር አለብዎት። በተመሳሳይ ለድርጅቱ ወይም ከድርጅቱ ጋር መስራት ካቆሙ ድርጅቱ መላይዎን ሊያግድ እና/ወይም ከመለያዎ ጋር የተያያዘ ማንኛውም መረጃ ሊዘርዝ ይችላል።
መለያን ከተዘጋ በኋላ መለያን ለመሰረዝ በተለምዶ 90 ቀናት ያህል ይወስዳል፣ነገር ግን አንዳንድ መረጃዎች ምክንያታዊ በሆነ ጊዜ በመጠባበቂያ ቅጂዎች ውስጥ ሊቆዩ ይችላሉ። እባኮትን በአገልግሎቱ ላይ የፈጠሩት እና የሚያጋሩት ይዘት በድርጅትዎ የተያዘ እና በአገልግሎቱ ላይ ሊቆይ እና ድርጅትዎ መለያዎን ቢያጠፋው ወይም ቢያቋርጠውም ተደራሽ ሊሆን እንደሚችል ልብ ያስተውሉ። በዚህ መንገድ፣ በአገልግሎቱ ላይ የሚያቀርቡት ይዘት በስራዎ ሂደት ውስጥ ሊያመነጩት ከሚችሉት ሌሎች የይዘት አይነቶች (እንደ አቀራረቦች ወይም ማስታወሻዎች) ጋር ተመሳሳይ ነው።

VIII. የግላዊነት ፖሊሲ ለውጦች
ይህ የግላዊነት መመሪያ ከጊዜ ወደ ጊዜ ሊዘምን ይችላል። ሲዘምን ከስር ያለው “መጨረሻ የዘመነበት” ይሻሻላል እና አዲሱ የግላዊነት ፖሊሲ መስመር ላይ ይለጠፋል።

IX. ተገናኝ
በዚህ ግላዊነት ፖሊሲ ወይም የስራ ቦታ ተቀባይነት ያለው አጠቃቀም ፖሊሲላይ ጥያቄዎች ካሎት፣ ድርጅቶን በድርጅቶ አስተዳዳሪ በኩል ያግኙ።
ለካሊፎርኒያ ነዋሪዎች፣ ድርጅትዎን በድርጅትዎ አስተዳዳሪ በኩል በማግኘት ስለ ሸማች ግላዊ መብቶችዎ የበለጠ ማወቅ ይችላሉ።

ለመጨረሻ ጊዜ የተዘመነው፦ ኦክቶበር 10፣ 2023